BMC

 

 

 

 

 

အာဏာသိမ်း အကြမ်းဖက် စစ်အုပ်စုရဲ့ စီးပွားရေး ဒေါက်တိုင်ကို ဖြိုချမယ့် သွေးစွန်းငွေ ဖြတ်တောက်ရေး လှုပ်ရှားမှု
(Blood Money Campaign)
 
၂၀၂၁ နွေဉီးတော်လှန်ရေးမှာ ဖက်ဆစ် စစ်တပ် ရဲ့ စီးပွားရေးဒေါက်တိုင်တွေကို  ဖြိုချနိုင်ဖို စစ်အာဏာရှင် တော်လှန်ရေး
အမြစ်ဖြတ်ရေး အတွက် စစ်တပ်ရဲ့ နိုင်ငံခြား ဝင်ငွေစီးဆင်းမှု အခန်းကဏ္ဍကိုလည်း လစ်လျူရှုထားလို မရပါဘူး။
အာဏာသိမ်းရခြင်း အကြောင်းအရင်းတွေထဲမှာ စစ်တပ်ဟာ ပြည်သူပိုင်ငွေတွေကို ရာသက်ပန် လက်ဝါးကြီးအုပ် အမြတ်ထုတ်ဖို လည်း အပါအဝင်ဖြစ်ပါတယ်။
 
စစ်တပ်ရဲ့ လူမဆန်တဲ့ ထင်ရာဆိုင်း လုပ်နေတဲ့ အကြမ်းဖက်မှုတွေကို တားနိုင်ဖို
စစ်အာဏာရှင် စနစ် သက်ဆိုးရှည်အောင် စစ်တပ်ကို ဝင်ငွေတွေပေးနေတဲ့ နိုင်ငံခြား ရေနံနှင့် သဘာဝ ဓာတ်ငွေ့ ကုမ္ပဏီတွေ အပါအဝင် နိုင်ငံတကာ ကုမ္ပဏီတွေက အာဏာသိမ်း စစ်အုပ်စုဆီ ငွေကြေး စီးဆင်းမှုတွေ ဆက်လက် မလုပ်ဆောင်တော့ဖို၊
စစ်တပ်နဲ့ လက်တွဲဖြုတ်ဖို၊ တရားမျှတမှုအတွက် တောင်းဆိုတဲ့အခါ  
ပြည်သူတွေရဲ့ အသံကလည်း အရေးကြီးတဲ့အတွက်ကြောင့် သွေးစွန်းငွေ ဖြတ်တောက်ရေး လှုပ်ရှားမှုမှာ ပြည်သူလူထု အနေပါဝင်ကြဖို လိုအပ်ပါတယ်။
 
မြန်မာ့ရေနံနှင့် သဘာဝဓါတ်ငွေ့  (MOGE) မှ ရရှိသော အကျိုးအမြတ်အားလုံးသည် ဖက်ဆစ် စစ်အုပ်စုထံသို ပြီးခဲ့သည့် စစ်အာဏာရှင် အုပ်ချုပ်ရေး စနစ်တွင် သာမက ယခု အာဏာသိမ်းခံရသည့် အချိန်အထိ (အထိန်းအကွပ်မဲ့) ရောက်ရှိနေဆဲ ဖြစ်ပါတယ်။   နှစ် ၆၀လုံး MOGEကို စစ်တပ်က ထိန်းချုပ်ထားပြီး ဒီမိုကရေစီ ၁၀နှစ်ရတဲ့ ကာလအတွင်းမှာလည်း ရေနံ နဲ့ပက်သက်တဲ့ ငွေကြေးစာရင်းဇယားတွေဆိုရင် သမ္မတကိုယ်တိုင်တောင် သိခွင့်ပဲရှိပြီး ဘယ်ဌာနကမှ ကြည့်ရှုစစ်ဆေးခွင့်မရှိခဲ့ပါဘူး။
 
   နှစ် ၆၀လုံး MOGE မှ မြန်မာနိုင်ငံအတွက် ရရှိတဲ့အကျိုးအမြတ်အားလုံးကို
-         ဖက်ဆစ်စစ်တပ် အင်အားတိုးချဲ့ဖိုနဲ့  စစ်လက်နက် ပစ္စည်းဝယ်ယူ စုဆောင်းမှုများ ကိုလုပ်ဆောင်ခြင်း
-         စစ်အသုံးစရိတ်နဲ့ စစ်တပ်နဲ့ဆက်နွယ်တဲ့မိသားစုတွေရဲ့ ကြီးပွားချမ်းသာရေး ကိုသာအသုံးပြုခြင်း
-         နှစ်ပေါင်းများစွာ ပြည်နယ် လူမျိုးပေါင်းစုံ၊ လူမျိုးစုဒေသများတွင် စစ်ရာဇဝတ်မှုများနှင့် လူ့အခွင့်အရေး ချိုးဖောက်မှုတွေအပြင်  ရိုဟင်ဂျာလူမျိုးတုန်း သတ်ဖြတ်မှု ကျူးလွန်ခဲ့တာတွေနဲ့

အခု ၂၁နွေဉီးတော်လှန်ရေးမှာ ပြည်သူလူထုကို သတ်ဖြတ်ဖို လိုအပ်တဲ့ ငွေကြေးပမာဏ  မြောက်များစွာကို ရရှိတဲ့ စစ်တပ်ရဲ့ အဓိက ဝင်ငွေလမ်းကြောင်းပဲ ဖြစ်ပါတယ်။
 ဒီမိုကရေစီရခဲ့တဲ့ ၁၀နှစ်လုံးမှာလည်း ထိုဌာနမှ ငွေများသည် စစ်တပ်၏ စီမံခန့်ခွဲမှုအောက်တွင်သာ ရှိခဲ့သည်။